Warning: "continue" targeting switch is equivalent to "break". Did you mean to use "continue 2"? in /customers/2/4/7/kurdnation.com/httpd.www/tv/wp-content/plugins/telegram-for-wp/inc/Notifcaster.class.php on line 318
Warning: Cannot modify header information - headers already sent by (output started at /customers/2/4/7/kurdnation.com/httpd.www/tv/wp-content/plugins/telegram-for-wp/inc/Notifcaster.class.php:318) in /customers/2/4/7/kurdnation.com/httpd.www/tv/wp-content/plugins/onecom-vcache/vcaching.php on line 614
Warning: Cannot modify header information - headers already sent by (output started at /customers/2/4/7/kurdnation.com/httpd.www/tv/wp-content/plugins/telegram-for-wp/inc/Notifcaster.class.php:318) in /customers/2/4/7/kurdnation.com/httpd.www/tv/wp-content/plugins/onecom-vcache/vcaching.php on line 622
Warning: Cannot modify header information - headers already sent by (output started at /customers/2/4/7/kurdnation.com/httpd.www/tv/wp-content/plugins/telegram-for-wp/inc/Notifcaster.class.php:318) in /customers/2/4/7/kurdnation.com/httpd.www/tv/wp-includes/feed-rss2.php on line 8
کچان و کوران ژنان و پیاوانی دەروەست و نەتەوەیی
ڕێبوارانی تینووی ڕێگەی ئازادیی کورد و کوردستان
ئەوە ئێوە گەلی ڕاپەڕیوی سەر شەقامن بڕیاردەر و ڕێبەر و یەک لاکەرەوەی ئەم شۆڕشە
سڵاو بۆ ئیرادە و ورەی بەرز و پۆڵایینتان کە داگیرکەری ئێرانیتان بە چۆک داهێناوە.
با ئیزن نەدەین ئەو دەرفەتەی کە لە ئێستا دا خولقاوە ، لە کیس بچێ و خوێنی ئەم هەموو شەهید و گیانبەختکردووە بە فیڕۆ بچێ.
ئەوەی ئێستا لە ئارا دایە لە خۆپێشاندان و ناڕەزایەتی ئاسایی تێپەڕ بووە و ناوی شۆڕش و ڕاپەڕینە نەک خۆپێشاندان و مانگرتنی هێمانە.
ئەوەی توندوتیژی کردووە و بەرانبەر بە گەل، چەکی بەکارهێناوە، ڕژیم بووە نەک خەڵکی ڕاپەڕیو و وەزاڵە هاتوو ، لە ماوەی چل ساڵی رابردۆوە هەموومان باش لەوە تێگەیشتووین کە ڕژیمی داگیرکەری ئێرانی زمانێک جگە لەو زمانەی کە بۆ خۆی پێی دەدوێ نازانێ و ئەوەش زمانی چەک و گوللە و ئاگرە، بۆیە پێویستە بە هەمان زمان وەڵامی بدرێتەوە.
بەرگری کردن لە خۆتان مافێکی ڕەوا و دان پێدانراوە لە ئاستی جیهانی و نێونەتەوەییدا.
داواتان لێدەکەم بۆ پاراستنی مان و مەوجوودیەتمان، بۆ بەرگری و دیفاع لە خۆ کردن، هەر چی لە بەر دەستتانە بە کاری بێنن و وەڵامی ئاگر و خوێن بە ئاگر و خوێن بدەنەوە و هەر چی هێما و نماد و سیمبولی داگیرکەرە تێکی بڕمێنن، سەرەنجام ئەوە چەکە ئەم شۆڕشە یەکلایی دەکاتەوە نە زمانی دیالۆگ و دانوستان و تەسلیم بوون.
ڕژیمی کۆماری ئیسلامیی ئێران تەواو ورە و ئیرادەی دابەزیوە و لە لێواری ڕووخان دایە، یەکڕیزیتان تێک مەدەن و بەم جۆرەی کە مەیدانی سەرەکیی شۆڕش و ڕاپەڕینەکە بۆتان دیاری دەکا، شێوازی خەباتەکەتان درێژە پێبدەن کە سەرکەوتنتان مسۆگەرە.
ئەگەر حیزب و لایەنەکان توانای دابین کردن و ناردنەوەی پێشمەرگەیان نییە، باشترە یان بێدەنگی هەڵبژێرن یان لانی کەم بە دەنگ پاڵپشت و ورەبەخشی ڕاپەڕینەکە بن.
داوام لە هێز و لایەنە سیاسیەکانە بە پەلە کار بۆ دروستکردن و پێکهێنانی بەرەیەکی یەکگرتووی کوردستانی بکەن .
با ئیزن نەدەین هەندێک لایەنی پاوانخوازی بەرژەوەندی تەڵەب سواری شەپۆلەکە بن و لە گەڵ تاقمێکی سەڵتەنەت تەڵەب و موجاهیدینی و ئێرانی بکەونە معامەلە و دانوستان لە سەر خوێنی بانەحەق ڕژاوی ڕۆڵەی کورد.
هەندێک لایەن ئەگەر نابنە ئەهرۆمی فشار با نەبنە تورموز و پیستوونی کەمکردنەوەی فشاریش لە سەر رژیمی ئێرانی، لەو هەلومەرجە دا ناوهێنانی ڕاپەڕین بە خۆپێشاندان و هاندان بۆ مانگرتن و خۆپێشاندانی هێمنانە و هەروەها مەحکوومردنی خەڵک بە توندوتیژی ، تێنەگەیشتنە لەو ڕاستیەی ئێستا لە سەراسەری جوگرافیای جەعلیی ئێران دا لە ئارا دایە.
بۆ دوایین جار داوا لە سەرجەم ئەو کەسانەی لە ژێر ناوی جاشێتی دا چەکیان بۆ ڕژیم هەڵگرتووە، دەکەین کە تا درەنگتر نەبووە بگەڕێنەوە باوەشی گەل، گەل لێتان خۆش دەبێ و ئەگینا سبەی درەنگ دەبێ و شەپۆلی قین و دەستی تۆڵەتان دەگاتە سەر.
وەک هاوپەیمانی سەربەخۆییخوازانی کوردستان گەلی ڕاپەڕیوی ڕۆژهەڵاتی کوردستان دڵنیا دەکەینەوە بە هەموو توانا و هێزمانەوە، بە بیر و باوەڕ و ئیرادەمانەوە چ لە ئاستی جیهانی و نێونەتەوەیی و چ لە ئاستی ناوخۆ دا لە گەڵتانین و پاڵپشت و پشتیوانتانین
سەردەکەوێ خەباتی ڕزگاریخوازانەی ئەم جارەمان بە ڕێبەرایەتی ژنانی ئازادیخواز و پیاوانی بەرابەریخواز.
سەرکەوتن بۆ گەلە و ڕووڕەشی بۆ هەموو ئەوانەی پشت لە گەل دەکەن .
بۆ پێشەوە بە وتنەوەی سروودی نەسرەوتن تا سەرکەوتن و دورشمی ژن ژیان ئازادی
سەرهەڵدان و ڕاپەڕینی ئەمجارەتان چارەنووسسازە، خەبات و بەرخودانە لە پێناو دروشمی یا کوردستان یا نەمان و پەیامی نەسروەتن تا سەرکەوتنی پێیە.
ئەوەی ئێوە ژنان و پیاوان، کچان و کوڕان، گەنجان و لاوان لە مەیدان و گۆڕەپانی خەباتی شار دا بە کردەوە دەیکەن، ڕێبەرایەتی ڕاستەقینەی شۆڕشە.
ئەو حەماسەی ئێوە لەو ڕۆژانەی ڕاپەڕین دا بە گیانفیدایی و خوێن و زام و برین خوڵقاندووتانە، سەری هەموو ئازادیخوازان بە گشتی و نەتەوەی کوردی بە تایبەتی لە ئاستی جیهانیدا پێ بەرزتر بۆتەوە و دەنگی دلێر و نەعرەتەی شێرانەتان گەیشتۆتە گوێی هەموو دونیا.
ڕژیمی ئێران ئەگەرچی هەر لە سەرەتاوە لە ناو بیر و مێشكی تاکی کورد دا ڕەوایی و مەشرووعیەتی نەبووە، لە ئێستا هەم لە ئاستی نێونەتەوەیی و هەم لە ئاستی ناوخۆیی و ناوچەیی دا ڕەوایی و مەشڕووعیەتی لە دەستداوە .
بیرکردنەوە لە جێگرەوە و دۆزینەوەی ئالتێرناتیڤ بۆ ڕژیمی ئێستا چۆتە بواری پراکتیکی و عەمەلیەوە، بەڵام گەلی کورد ئەم جارە ئەزموونی تاڵی ١٣٥٧ی هەتاوی دووبارە ناکاتەوە و خەتی خۆی لە ئێران و ئێرانیەکان جیا دەکاتەوە، ئەوەی نەتەوەی کورد، لە ئێستا دا دەبێ هەنگاوی جیددی بۆ باوێ گەیشتنە بە سەروەریی نەتەوەیی و دامەزراندنی دەوڵەتی سەربەخۆی کوردستان، خەبات و قوربانیدانی ئەم جارە نابێ بە بێ دەسکەوت بێ و پێویستە دەستکەوتی ئەمجارەمان بارتەقای تێچووەکانمان بێ.
داوا لە گشت خەڵکی تێکۆشەری کوردستان دەکەین، هەر بەم چەشنە یەکڕیز و یەکدەنگ، پشت و پەنای یەکتر بن و پشتی شار بە شار و گوند بە گوندی نیشتمان بگرن، نیشان بدەن کە کوردستان مەکۆی ئازادییە، نە سنە تەنیایە و نە کرماشان و ئیلامی دێرین، نە ورمێ بە تەنیا جێ دێڵین و نە چوار مەحاڵ و کوردانی خوراسان.
کرمانج و سۆران،بەختیاری، کەلهوڕ، لوڕ و لەک، هەورام و گۆران ، بست بە بستی زاگرۆسی کوردەوار، نەوەکانی بی بی مریەم و سەردار ئەسەدی بەختیاری و قەدەم خێری قەڵاوەند، شان بە شانی ڕۆڵەکانی خانی لەپ زێڕین و سمایل ئاغای سمکۆ و پێشەوا قازی محەممەد ، هاودەنگ و پەشت ئەستوور بە پێڕەوانی سوڵتان سەهاک و ڕێرەوانی داود خانی کەلهوڕ و زاهیربەگی جاف، دەست لە ناو دەستی یەک هاوار و بانگی سەربەخۆیی و ئازادیی وڵات و سەرزمینی کوردەواری دەدەن .
داواتان لێدەکەین هاوکات لە گەڵ مانەوە لە شەقام و گۆرەپانە سەرەکیەکانی شار و گوندەکان، درێژە بە مانگرتن و داخستنی دووکان و بازاڕەکان بدەن، کارمەند و قوتابی و مامۆستایان نەچنەوە زانکۆ و قوتابخانە و ئیدارەکان، پووڵ و پارەکانتان لە بانکەکانی ئێران دەربێننەوە و هەر چی ئاسەوار و هێمای داگیرکەری ئێرانیە، تێکی بڕمێنن.
ڕووخانی ڕژیمی ئێران مسۆگەر و حەتمیە، بۆیە لێرەوە داوا لە سەرجەم ئەو کەسانە دەکەین کە چەکی ڕژیمیان هەڵگرتووە، بگەڕێنەوە باوەشی گەل و دڵنیا بن، ئەگەر لە تەنیشت خەڵکی ڕاپەڕیو بن و ڕووی چەکەکانتان بکەنەوە دوژمن، ئەوە گەلی کورد بۆ هەمیشە لێتان خۆش دەبێ و شانازی گەورە بۆ خۆتان و کەس و کارتان لە مێژووی کورد و کوردستان دا تۆمار دەکەن.
ئەگەر نەگەڕێنەوە باوەشی گەل و لەو ڕاپەڕینە دا بە یارمەتیدانی خەڵکی ڕاپەڕیو ، قەرەبووی کردەوەکانی پێشووتان نەکەنەوە، ئەوە دڵنیا بن دەکەونە بەر شاڵاوی رق و قینی گەل و دەست و هێزی تۆڵەتان دەگاتێ.
هەروەها جارێکی تر داوامان لە حیزب و هێز و لایەنە سیاسیەکانی ڕۆژهەڵاتی کوردستانە، تاکوو بە بێ وەبەرچاوگرتنی جیاوازییە ئیدئۆلۆژی، فکری و سیاسیەکان و لە ژێر ناو و خاڵی هاوبەشی کوردبوون و کوردستانی بوون، بە پەلە کار بۆ پێکهێنانی شووڕایەکی ڕێبەریی هاوبەش یان بەرەیەکی یەکگرتووی کوردستانی بکرێ.
با یەکڕیزی و یەکگرتوویی لە گەل فێر بین کە لە ئێستا دا یەکگرتوانە بەرانبەر داگیرکەری ئێرانی وەستاونەتەوە، با سیاسەتی حەزف و سانسۆڕ و یەکتر قەبووڵنەکردن و خۆ بە میحورە زانین وەلا بنێین و کارێک نەکەین بە هەڵەکانمان ئاو بکەینە ئاشی دوژمنەوە.
پێویستە کۆمیتەیەکی کاری هاوبەشی سەرکرادیەتیی لە ژێر ناوی شۆڕشی ژینا و بە دروشمی ژن ژیان ئازادی، پێکهاتوو لە سەرجەم هێز و لایەنەکانی ڕۆژهەڵاتی کوردستان بۆ دەرباز بوون لە قەیران و چەقبەستوویی و لە نەهایەتدا بۆ ئۆرگانیزەکردنی زیاتری ڕاپەڕینی ڕۆژهەڵاتی کوردستان پێک بێ.
هێزی نیزامیی و هێزی پێشمەرگە و گریلای سەرجەم لایەنەکان لە چوارچیوەی ئەرتەشێکی ئامادەی پارێزگاری لە دەستکەوتەکانی ڕاپەڕین و سەرەنجام بۆ یەکلاییکردنەوەی شۆڕشەکە و پێشگرتن بە بەلاڕێداچوون ، پێویستیەکی مێژوویی و هەنووکەییە.
کوردستانیانی تاراوگە و دیاسپۆرا ئەرکدار بکرێن تاکوو جیا لەوەی یارمەتی هەمەچەشن کۆبکەنەوە، هاوکات کۆمەڵگەی جیهانی بۆ پشتیوانی لە شۆڕش هان بدەن و هەروەها بە خۆپێشاندانی مەزن لە بەردەم وەزارەتی دەرەوەی وڵاتان و سەفارەتەکانی ڕژیمی ئێران بیر و ڕای گشتی جیهانی بۆ داکۆکی لە مافی ڕەوای گەلی کورد هاوڕا بکەن.
هەروەها بە هەڵکردنی هێما و پیرۆزییەکانی گەلی کورد و بە تایبەتی ئاڵای پیرۆزی کوردستان ، پێشەنگایەتی، ڕاپەڕین و سەرهەڵدان و شۆڕش و بەرخودانی ئەم جارە بسەلمێنن.
داوامان لە وڵاتانی زلهێزی جیهانیش ئەوەیە کە بە خێرایی ناوچەیەکی دژە فڕین بە سەر ئاسمانی کوردستاندا دیاری بکرێ و پاڵپشت و یارمەتیدەری خەبات و ڕاپەڕینی گەلی کورد لە ڕۆژهەڵاتی کوردستان بن.
داوا لە یەکێتی ئورووپا، ئەمریکا، ئیسرائیل و وڵاتانی زلهیز و دژبەری ڕژیمی ئێران دەکەین :
جاو و گوێیان بکەنەوە و ببینن و ببیستن و بە هانای گەلی کوردەوە بێن، ئەوەی هێزەکانی ڕژیمی ئێران بەرانبەر خەڵکی ناڕازی و ڕاپەڕیوی کوردستان دەیکەن، پێشلێلکردنی سیستماتیک و ئاشکرای مافەکانی مرۆڤە کە لە بڕیارنامەکانی کۆڕی جیهانیی نەتەوە یەکگرتووەکان پەسەندکراوە و ئێوە وەک بایخگەل و ئەرزەشەکانی خۆتان لێی دەڕوانن و پێویستە داکۆکی لەو بنەما مرۆییانە بکەن کە خۆتان قەبووڵتانە.
گەلی کورد لە ڕۆژهەڵاتی کوردستان بە دەستی بەتاڵ و تەنیا بە دروشم و دەربڕینی ڕای ئازادی خۆی هاتۆتە سەر شەقام، بەڵام داگیرکەری ئێرانی بە ئاگر و ئاسن و گوللە وەڵامی خەڵک دەداتەوە و تا ئێستا هەزاران کەس شەهید و بریندار و دەستبەسەر کراون.
ئەگەر کۆمەڵگای جیهانی بە جیددی دەنگ هەڵنەبڕی ، گەلی کورد بۆ پاراستنی مان و مەوجوودیەتی خۆی ناچارە دەست بۆ چەک بەرێ و کەڵک لە دیفاع و بەرگریی ڕەوا و مەشڕووعی یاسایی خۆی وەرگرێ کە بێگومان کارەساتی گەورەی مرۆیی لێدەکەوێتەوە.
سەردەکەوێ شۆڕشی ژینا و خەبات و ڕاپەڕینی ڕزگاریخوازانەی گەلی کورد
بە پێشەنگایەتی ژنانی ئازادیخواز و پیاوانی بەرابەریخواز ،بە دروشمی ژن ژیان ئازادی
هێز و لایەن و کەسایەتیە سیاسیەکان
سڵاوێکی شۆڕشگێرانەتان پێشکەش بێ.
هەر وەک ئاگادارن هەلومەرجی هەستیاری ئێستا وا دەخوازێ تاکوو ڕیزەکانی ناو ماڵی کورد یەکبخرێن و تەبایی و یەکگرتوویی و هاودەنگی و هاوئاهەنگی لە سەر ئەساس و بنەمای کوردبوون و کوردستانی بوون بکەینە بناغەیەکی پتەو بۆ لە دەستنەدانی دەرفەتی پێشهاتوو.
ئەگەر لەم هەلومەرجە دا نەتوانین دەرفەتەکان لە قازانج و بەرژەوەندیی نەتەوەکەمان بقۆزینەوە، بێگومان خەبات و جووڵانەوەی ڕزگاریخوازیی گەلی کورد بە گشتی ڕووبەڕووی نسکۆ و شکستێکی قەرەبوو نەکراو دەبێتەوە .
ئەم دەرفەتە وا دەخوازێ کە بە وەلانانی جیاوازییە فکری و سیاسیەکان و لە سەر بنەمای وەلانانی بەرژەوەندیی تەسکی حیزبایەتی و لە پێناو بەرژەوەندیی باڵای نەتەوەیی، شان بە شان و پشت ئەستوور بە گەلەکەمان لە ڕۆژهەڵاتی کوردستان و هاودەنگ و پشتبەستوو بە گەلانی دیکەی ناو جوغرافیای دەستکردی ئێران و هەرەها بە ڕاکێشانی بیروڕای گشتی جیهانی بەرەو پرسی کورد، یەکجار بۆ هەمیشە کۆتایی بە دەسەڵاتی کۆماری ئیسلامی ئێران بێنین .
هێز و لایەنە سیاسیەکان با یەکڕیزی و یەکگرتوویی لە گەل فێر بن کە لە ئێستا دا یەکگرتوانە بەرانبەر داگیرکەری ئێرانی وەستاونەتەوە، با سیاسەتی حەزف و سانسۆڕ و یەکتر قەبووڵنەکردن و خۆ بە میحورە زانین وەلا بنێین و کارێک نەکەین بە هەڵەکانمان ئاو بکەینە ئاشی دوژمنەوە.
پێویستە کۆمیتەیەکی کاری هاوبەشی سەرکرادیەتیی لە ژێر ناوی شۆڕشی ژینا و بە دروشمی ژن ژیان ئازادی، پێکهاتوو لە سەرجەم هێز و لایەنەکانی ڕۆژهەڵاتی کوردستان بۆ دەرباز بوون لە قەیران و چەقبەستوویی و لە نەهایەتدا بۆ ئۆرگانیزەکردنی زیاتری ڕاپەڕینی ڕۆژهەڵاتی کوردستان پێک بێ.
هێزی نیزامیی و هێزی پێشمەرگە و گریلای سەرجەم لایەنەکان لە چوارچیوەی ئەرتەشێکی ئامادەی پارێزگاری لە دەستکەوتەکانی ڕاپەڕین و سەرەنجام بۆ یەکلاییکردنەوەی شۆڕشەکە و پێشگرتن بە بەلاڕێداچوون ، پێویستیەکی مێژوویی و هەنووکەییە.
کوردستانیانی تاراوگە و دیاسپۆرا ئەرکدار بکرێن تاکوو جیا لەوەی یارمەتی هەمەچەشن کۆبکەنەوە، هاوکات کۆمەڵگەی جیهانی بۆ پشتیوانی لە شۆڕش هان بدەن و هەروەها بە خۆپێشاندانی مەزن لە بەردەم وەزارەتی دەرەوەی وڵاتان و سەفارەتەکانی ڕژیمی ئێران بیر و ڕای گشتی جیهانی بۆ داکۆکی لە مافی ڕەوای گەلی کورد هاوڕا بکەن.
هەروەها بە هەڵکردنی هێما و پیرۆزییەکانی گەلی کورد و بە تایبەتی ئاڵای پیرۆزی کوردستان ، پێشەنگایەتی، ڕاپەڕین و سەرهەڵدان و شۆڕش و بەرخودانی ئەم جارە بسەلمێنن.
سەردەکەوێ خەباتی ئەم جارەمان بە ڕێبەرایەتی ژنانی ئازادیخواز و پیاوانی بەرابەریخواز
]]>هاونیشتمانانی خۆشەویست
خەڵکی تێکۆشەر و ئازادیخوازی کوردستان
کچان و ژنانی ڕۆژهەڵاتی نیشتمان
مەرگی ژینای کورد هەموومانی تاسەبار و پەرۆش و خەمبار کرد.
سەرەتا لێرەوە سەرخۆشی لە خەڵکی کوردستان بە گشتی و بنەماڵەی سەربەرزی ژینای جوانەمەرگ بە تایبەتی دەکەین و خۆمان لەو خەم و پەژارەیە دا بە شەریک و بەشدار دەزانین .
هەروەک ئاگادارن دوابەدوای ئەوەی ژینا بە تاوانی کوردبوون و دواتر ژن بوون لە ژێر بیانووی بێبنەمای باڵاپۆش لە لایەن داگیرکەرانی ئێرانیەوە گیانی لێ ئەستێندرا، شەپۆلێکی بەرین لە ناڕەزایەتی لە لایەن خەڵکی وشیار و پێگەیشتوو و تێگەیشتووی ڕۆژهەڵاتی کوردستانەوە سەریهەڵدا،
لە بەشێکی زۆری شار و ناوچەکانی کوردستان خۆپێشاندان و ناڕەزایەتی بەڕێوەچووە و تا هەنووکەش بەردەوامە.
هاوکات ئێمە وەک هاوپەیمانی سەربەخۆییخوازانی کوردستان و گشت هێز و لایەنەکانی ڕۆژهەڵاتی کوردستان و تەنانەت هێز و لایەنەکانی سەر بە نەتەوە غەیرە فارسەکانیش لە ڕاگەیەندراوی هاوبەش و جیاجیا دا داوایان کردووە ، ڕۆژی دووشەممە ٢٨ی خەرمانان مانگرتنی گشتی لە سەراسەری کوردستان هەر لە خۆی و ماکۆ و سەڵماس و ورمێوە، لە مەهاباد و سەردەشت و پیرانشار و بۆکان و سەقز و بانە و گشت موکریانەوە تا سنە و ئەردەڵان و هەورامان، لە سەرپێڵ و زەهاو و جوانڕۆ و قەسر و کرندەوە لە کرماشان و ئیلام و لورستان و چوارمەحاڵەوە تا دەگاتە شار بە شار و گوند بە گوندی کوردستان، بەڕێوە بەرن.
داواتان لێدەکەین پێکەوە هاودەنگ و هاوهەڵوێست بین بەرانبەر داگیرکەری ئێرانی و دوژمنانی سوێندخواردوو و تا سەر ئێسقان دژ بە گەلی کورد.
بە داخستنی دووکان و بازاڕ و نەچوونە قوتابخانە و سەرکار، نایەکی گەورە بە داگیرکەری ئێرانی بڵێن.
داواتان لێدەکەن بە شکۆیەکی مەزنەوە مانگرتن بەڕێوە بەرن.
بەڵام لە ماڵەوە بە بێدەنگی دامەنیشن و مان مەگرن، داواتان لێدەکەین، شەقام و جادە و کۆڵان و مەیدانەکان چۆڵ مەکەن و مەچنەوە ناو کونجی ماڵەکانتان.
دووکان و بازاڕ دابخەن و بە گشتی هەر هەمووتان لە شەقام و مەیدانە سەرەکیەکانی شار دا بمێننەوە و ناڕەزایەتی دەرببڕن.
بێگومان ڕژیمی ئێران بە داخستنی دوکان و بازاڕ و مانگرتن ناڕووخێ ، بەڵام ئەوە پەیامی یەکگرتوویی و یەکبوون، پەیامی نا بۆ داگیرکاری و داکۆکی لە خوێنی بە ناحەق ڕژاوی ژیناکانمان بە گوێ جیهان بە گشتی و داگیرکەران بە تایبەتی دەگەیەنێ.
ڕژیمی ئێران لە هەلومەرجی ئێستا دا پێی خۆشە خەڵک بچنەوە ماڵەکانیان و شەقام چۆڵ بکەن ، خواستی سەرەکیی ڕژیمیش ئەوەیە کە لە ماڵ بمێننەوە تاکوو بتوانێ دۆخەکە مودیریەت بکا.بۆیە داواتان لێدەکەین وێرای داخستنی دوکان و بازاڕ و نەچوونە سەرکار، لە ماڵ مەمێننەوە و بچنە شەقام و مەیدانە گشتیەکانی شار و بمێننەوە و بە پێی هەلومەرج بۆ خۆتان ڕێبەری بە دەستەوە بگرن و بڕیار بدەن کە بە چ شێوەیەک ناڕەزایەتی دەرببڕن
]]>دەقی پەیامەکەی سەرۆکی هاوپەیمانی سەربەخۆییخوازانی کوردستان بەم چەشنە بوو:
“لۆزان بەرهەمی نەبوونی یەکگرتوویی، یەکڕیزی،یەک گوتاری و بە گشتی پڕش و بڵاویی ناو ماڵی کورد بوو و ئەگەر دۆخی ناوماڵی کورد هەر وەک ئەو کات بێ، ئەوە لۆزانێکی تر چاوەڕانکراوە بۆ کورد.
لە ئەنجامی لێکترازان و دابەشبوونی بیر و هزر و عەقڵی کوردی و خۆ بەستنەوە بە دوو مەزهەبی شیعە و سوننی، نەتەوەی کورد نائاگایانە لە نێوان دوو داگیرکەری عوسمانی و سەفەویدا دابەش بوو کە لە ساڵی ١٥١٤ و لە شەڕی چاڵدێران دا خۆی نیشاندا.
دواتر لە ٢٤ی جولای ١٩٢٣ بە هۆی پەیمانی لۆزان جارێکی تر کوردستان دابەش کرایەوە و جیا لە ئێران و تورکیە بەشێک لە خاکەکەی درا بە دوو دەوڵەتی تازە دروستکراوی عێراق و سووریە.
دوژمنانی ڕاستەقینە و سوێندخواردووی گەلەکەمان و یەک لەوان ڕژیمی داگیرکەری تورکیە بە عەقڵیەتی کەمالیزمی عوسمانی و بە یارمەتی هەندێ وڵاتی زلهیزی ئەو کات داڕێژەر و دەستپێشخەری پەیمانی لۆزان بوون.
ناکرێ باسی لۆزان بکەین بەڵام ئاوڕێک لە سیڤەر نەدەینەوە کە لە ڕاستیدا ئامانج لە بەستن و گرێدانی پەیماننامەی لۆزان، لە باربردنی پەیماننامەی سیڤەر بوو کە تێیدا دان بە مافی نەتەوەی کورد و سەرورەیی سیاسیی کورد و دامەزراندنی دەوڵەتی کوردستان دا دانرابوو.
پرسیارێک لێرە دا ڕووی لە سەرجەم تاکی کوردە، بە هەموو چین و توێژەکانیەوە.
ئایا هێز و لایەن و ئەحزاب و کۆمەڵگای کوردستان و ناو ماڵی کورد بە گشتی ، لە ماوەی ئەو ٩٩ ساڵە دا بۆتە خاوەنی یەک گوتار و یەکدەنگ و یەکڕیز؟
یان ناو ماڵی کورد، زیاتر لێک ترازاوە و پڕش و بڵاویی زیاتر باڵی بە سەر داگرتووە؟
هەموومان ئەوە باش دەزانین کە لە ئەنجامی شەڕ و خەبات بە دژی داگیرکەرانی کوردستان، قوربانییەکی زۆرمان داوە، ئایا لە ئاست ئەو هەمووە قوربانیدانە دا دەستکەوتی چاوەڕوانکراومان هەبووە؟
و دوایین پرسیار ئەوەی کە ئایا نەبوونی ئەو یەکدەنگی و یەک گوتاریە،کە ئێستاش لە ئارا دایە، زەنگێکی مەترسی نییە بۆ سەر لە نوێ دووپاتە بوونەوەی لۆزانێکی تر؟
هاوڕێیان، هەڤاڵانی خۆشەویست،
گەلی کورد لە هەر چوار پارچەی کوردستان:
پێویستە لە هەموو ئەو نەهامەتی و دابەشکاریانەی خاکی پیرۆزی کوردستان و لە ڕۆژ بە ڕۆژ و چرکە بە چرکەی مێژوو دەرس وەربگرین و ئیزنی دووبارە بوونەوەی مێژوو نەدەینەوە، جارێکی دیکە نەبینەوە کەوا سووری بەر لەشکری فارس و تورک و عەڕەب.
با ئیزن نەدەین دیسانەوە و جارێکی تر بە ناوی ئایین و مەزهەب و زاراوە و ناوچەگەرایی و یان وێژمانگەلی خودموختاری و فیدراڵی و کۆنفێدراڵی و برایەتی گەلان و ئەو چەمکە پاسیڤانە دابەشمان کەنەوە.
نەبینە چاوساخ و داردەستی داگیرکەران، با پێکەوە دەست بخەینە ناو دەستی یەک و پێش ئەوەی برای گەلان بین، خوشک و برا و پشت و پەنای یەک بین.
لە ماوەی چەند مانگی ڕابردوو دا سەرکردەیەکی گەنج و ژیری کورد، با ناوەکەشی بڵێم : بەڕیز جەنابی کاک بافڵ تاڵەبانی، لە دیداری یەکێتی دا پەیامێکی تایبەتی و گرینگ و پڕناوەرۆکی دا ، ئەوەیش ئەوە بوو کە ئەگەر یەکێتی پاڵپشتی لە ویست و داخوازیی گەلی کورد لە هەر چوار پارچەی کوردستان بکا ئەوە ئەو کات دەنگی ٤٠ ملیۆن کوردی لە پشتە و ئیتر هێز نییە کە بەرانبەر کورد بڵێ نا ، نە ئێران و نە ئەمریکا، هیچ کامیان ناتوانن بە کورد بڵێن نا .
هەل و دەرفەتی باشوور، دەستکەوتی ڕۆژئاوا ، بەرخودانی باکوور، شۆڕش و خەباتی ڕۆژهەڵات هەر هەمووی گرێدراوی یەک پرسە، پرسی کوردبوون و کوردستانی بوون، بۆیە پێویستیەکی هەنووکەییە کە وەک کورد لە دەوری یەک پلاتفۆرمی هاوبەشی نەتەوەیی و نیشتمانی کۆببینەوە، تاکوو ببین بە ئادرەسێکی بە هێز لە ئاستی جیهانی و نێونەتەوەییدا بۆ هێنانە گۆڕی ویست و داخوازیی گشتی نەتەوەی کورد کە بنیاتنان و دامەزراندنی دەوڵەتی سەربەخۆی کوردستانە.
لە کۆتاییدا وەک هاوپەیمانی سەربەخۆییخوازانی کوردستان لەو باوەڕە داین کە تاکە ڕێگەی ڕزگاری و ئازادیی نەتەوەکەمان لە ژێردەستەیی و داگیرکاریی داگیرکەرانی ، ئێرانی، عێڕاقی، سووریەیی و تورکیەیی ، خەبات و تێکۆشان و بەرخودانە لە پێناو گەیشتن بە سەروەریی نەتەوەیی کە خۆی لە ئازادیی خاکی کوردستان و دامەزرانی دەوڵەتی سەربەخۆی کوردستان دا دەبینێتەوە .
]]>ئایا ئەوە پارادۆکس و پێکدژیە یان: سەربەخۆییخوازی و ناسیۆنالیزمی شەرمێون؟
بە داخەوە لە ماوەی نیو سەدەی ڕابردۆوە بەشێکی زۆری خەباتی ڕزگاریخوازیی گەلی کورد بە هۆی بیری چەپەوە و پێناسە کردنی خۆی بە چەپایەتی، تووشی قەیرانێک هاتووە کە لە کوردیزم و ناسیۆنالیزمی کوردی و نەتەوەیی لایداوە، هەر چەند بیری چەپ لە هەموو جیهان باوەڕی قووڵی بە نەتەوە و ناسیۆنالیزم هەیە، بەڵام چەپێک کە بە فکر و هزری ئێرانی/ پارسی هاوردەی کوردستان کرا، دژە نەتەوەیی بوو و پێی وابوو پرۆلتاریا و ئیسلام و کۆمۆنیزم و … بیری جیهانییە و ناسیۆنالیزم و نەتەوەگەرایی بیرتەسکی و کۆنەپەرەستیە ، لەو سەردەم دا ئێرانیەکان لە ئایدۆلۆژیا چەپ و جیهانیەکان بۆ قازانج و بەرژەوەندیی نەتەوەیی و قەومیی خۆیان و بۆ بەجیهانیکردنی ناسیۆنالیزمی پارسی/ ئێرانی کەڵکیان وەرگرت.
باشە لە بەر چ هۆکار گەلێکە کە حکوومەت و دەسەڵاتی کورد/ ماد، یەک جار ڕووخا و نەیتوانی شکڵ بگرێتەوە، بەڵام دەسەڵات و حکوومەتی ئێرانی پارسی تا ئێستا چەندین جار ڕووخاوە و دیسان لە سەر هەمان بناغەی ئێرانی و فارسی دامەزراوەتەوە و کورد نەیتوانیوە هەلەکە بە قازانج و بەرژەوەندیی نەتەوەیی خۆی بقۆزێتەوە.
ئایا هۆکار ئەوە نییە کە نە تەنیا خاک و نیشتمانی کورد، بەڵکوو بیر و هزری بەشێکی زۆر لە تاکی کورد بۆتە ئێرانی و لە لایەن داگیرکەری ئێرانیەوە داگیرکراوە ؟
چۆنە کە بەشێک لە سەرکردە و حیزب و لایەنی کوردستانی لە ڕاگەیاندنە فارس زمان و ئێرانیەکان، شانازی بەوە دەکەن کە ئێرانین و تەنات جیایی خواز نین و دژ بە سەربەخۆیی کوردستانن و ئامادەن سینگیان بکەنە قەڵغان بۆ پاراستنی تەواویەتی ئەرزیی ئێران ؟
ئەو سەرلێ شێواویە بەرهەمی خۆ بواردنە لە فکر و عەقڵ و هزری کوردی و نەتەوەیی و خۆ دزینەوەیە لە مێژوو، شوناس و نەزمی جیهانی.
پێویستە هێز و لایەنی نەتەوەیی و کوردستانی بە بیر و عەقڵیەتی کوردیزم و ناسیۆنالیزمی کوردی، گوتار و وێژمانی نەتەوایەتی و سەربەخۆییخوازی بکەنە ستراتیژ و بنەمای سیاسەت، ئەگینا لە ئەگەری خوڵقانی دەرفەتێکی دیکەی وەک پەیمانی سیڤەر، یان ڕووخانی دووبارەی ئێران وەک ساڵی ١٩٧٨ ، ئەوە کورد جارێکی دیکە دۆڕاوی مەیدانەکە دەبێ و دەرفەتەکان لە کیس دەدا.
ئەگەر بناغەی ناسیۆنالیزم لە سەر ئەساسی کوردیزم و بە فکر و هزری کوردایەتی بنیات نەنێین و بەرژەوەندیی تەسکی حیزبی و تاکە کەسی نەکەینە قوربانیی بەرژەوەندیی باڵای نەتەوەیی، ئەوە دیسان مێژوو بۆ کورد دووپاتە دەبێتەوە وهەر وا لە چوارچێوەی شارۆمەندیی دەرەجە خواری ئێرانی، ئیسلامی و … دا تەعریف دەکرێینەوە و سەرلێشێواوی فکری و هزری بە تەواوەتی بەرۆکی نەتەوەکەمان دەگرێ، نە دەتوانین لە دەرفەتی خوڵقاو لە باشوور و ڕۆژاوای کوردستان کەڵک وەربگرین و نە خەبات لە باکوور و ڕۆژهەڵاتیش دەگاتە ئەنجام.
پێناسە بۆ ئەو نەتەوانەی خاکیان داگیر کراوە.
ئەو نەتەوانەی خاکیان لە لایەن نەتەوەیەکی باڵا دەست و داگیرکەرەوە داگیر کراوە و مەترسی ئاسیمیلاسیۆن و تواندنەوە و لە ناوچوونیان لە سەرە، (( بۆ نموونە: نەتەوە غەیرە فارسەکان کە خاک و وڵاتەکەیان لە لایەن ئێرانەوە داگیرکراوە)) تاکوو ئێستا پێناسەیەکی ڕوونیان وەک نەتەوە لە لایەن ئەو داگیرکەرانەوە بۆ نەکراوە و بۆ پێناسەکردنیان و بە مەبەستی سووکایەتی پێکردن کەڵک لە هەندێک دەستە واژەی کۆن و دەستکردی وەک خێڵ و عەشیرە و قەوم و تایفە وەردەگرن .
زاراوە و دەستەواژەیەک کە پان ئێرانی و پان فاشیزمی پارس، چ لە سەردەمی ئێستای کۆماری ئیسلامی و چ لە سەردەمی پەهلەوی و شاهەنشاهیەکانی ئێران بۆ نەتەوەکانی غەیرە فارسی وەک کورد، عەڕەبی ئەحوازی، بەلووچ، تورکی ئازەری، تورکمان ، کاسپیەن و … کەڵکیان لێوەرگرتووە، هیچ جیاوازییەکیان نییە و هەمان پێناسەن کە توندئاژۆترین گرووپە ڕەگەزپەرەست و ڕاسیستەکان کەڵکی لێوەردەگرن.
نەتەوە لە کەنگێوە سەری هەڵداوە؟
ڕوانگەیەکی باوی هەڵە هەیە کە دەڵێ: نەتەوە لە دوای شۆڕشی فەڕانسەوە دروستبووە.
هەندێک ڕوانگە هەیە کە دەڵێن: دەوڵەت نەتەوە دروست دەکا و نەتەوە ناتوانێ دەوڵەت دروست بکا.
ئەوەی ڕوون و ئاشکرایە لە سەر مێژووی دروستبوونی نەتەوە مشتومڕ زۆرە و تاکوو ئێستا بە ڕوونی دەرنەکەوتووە کە نەتەوە و نەتەوەگەرایی لە کەنگێوە سەری هەڵداوە، بەڵام ئاماژەکان باس لەوە دەکەن کە نەتەوە لە زۆربەی قۆناغە مێژووییەکاندا بوونی هەبووە.
پێناسەکان بۆ نەتەوە چین؟
یەکێک لەو پێناسە کۆنانەی بۆ نەتەوە کراوە بەم چەشنەیە:
نەتەوە لەو کۆمەڵە خەڵکە پێکدێ کە خاوەنی زمان، ئایین، فەرهەنگ، کلتوور، خاک ، مێژوو و … هاوبەشن.
ستالین باوەڕی وایە کە:
ئەگەر خەڵکانێک خاوەنی زمان، فەرهەنگ، خاک و جوگرافیا ، مێژوو و هەستی هاوبەش بن ئەوە بەو کۆمەڵە خەڵکە دەوترێ نەتەوە.
کورد بە پێی هەرکام لەو پێناسانەی ئاماژەمان پێدا، نە عەشیرەیە، نە خێڵ و نە تایفە و قەوم.
کورد نەتەوەیە.
ئەگەر لە ڕوانگەی ستالین و پێناسەی کۆنەوە لە کورد بڕوانین ، بە ڕوونی بۆمان دەردەکەوێ کە کورد خاوەنی هەموو ئەو پێوەر و تایبەتمەندیانەیە کە نەتەوەی پێ پێناسە کراوە.
ئەگەر بۆچوونی دووهەم و نوێ و هاوچەرخ وەک بنەمای نەتەوە بوون بگرینە بەر و بڵێین کە دەوڵەت، نەتەوە دروست دەکا، ئەوە لەم بوارە دا ئاوڕێکی کورتی مێژووییمان پێویستە.
ئەگەر لە مێژووی هاوچەرخی نەتەوەی کورد دا ، سمایل ئاغای سمکۆ وەک داهێنەر و باوکی ناسیۆنالیزمی کورد پێناسەی بۆ دەکرێ، حکوومەتی شێخ مەحموودی حەفید و کۆماری ئارارات و کۆماری کوردستانی سوور و دواتر کۆماری کوردستان لە سەر دەستی پێشەوا قازی محەممەد ، سەرجەمیان پێناسەن بۆ ئەوەی کە کورد خاوەن دەوڵەت و حکوومەتی خۆی بووە و بەو پێناسەیەش و بە گشتی بە هەموو ڕێباز و پێوەرەکانی پێناسەی نەتەوە، کورد وەک نەتەوە ئەژمار دەکرێ.
]]>